बाजुरा जिल्लाको एउटै डाँडामा एकैसाथ देखिएका दुई फरक दृश्यले प्रकृतिको दोहोरो रूपलाई जीवन्त ढंगले उजागर गरेको छ।
निरन्तर वर्षापछि आएको बाढीले एक झरनाको पानीलाई कालो भेलमा बदलिदियो। माटो, ढुंगा र लेदो बगाउँदै आएको यो भेलले आसपासका खेतबारी पुरेर किसानको वर्षभरिको मेहनत र अन्नबालीमा ठूलो क्षति पुर्यायो।
तर सोही ठाउँमा अर्को झरना भने सेताम्मे पानीसँगै आफ्नो प्राकृतिक सौन्दर्यमा अविचल बगिरहेको देखिन्छ — शान्त, मनमोहक र बेसरोकार।
एउटै स्थानमा प्रकृतिको सुन्दरता र विनाशकारी शक्ति एकैसाथ देखिनु जलवायुजन्य विपद्को कटु यथार्थ हो। यो एक फ्रेमले स्थानीय जनजीवन र कृषि क्षेत्रमा परेको गम्भीर प्रभावलाई स्पष्ट रूपमा प्रस्तुत गर्छ।
