हरिशयनी एकादशी: बुढानिलकण्ठ मन्दिरमा भक्तजनको भारी भीड

आषाढ शुक्ल एकादशी अर्थात् हरिशयनी एकादशीका अवसरमा शनिबार बिहानैदेखि काठमाडौं उपत्यकासहित देशभरका नारायण मन्दिरहरूमा भक्तजनको ठूलो भीड उमरेको छ। यस पवित्र अवसरमा काठमाडौंस्थित बुढानिलकण्ठ मन्दिरमा पनि दर्शनार्थीहरूको घुइँचो लागेको छ। टाढाटाढाबाट आएका भक्तजनहरू बिहानैदेखि मन्दिर परिसरमा जम्मा भई भगवान नारायणको दर्शन र पूजाआजामा व्यस्त रहे।