काठमाडौं । कालीमाटी फलफूल तथा तरकारी बजार विकास समितिले आज शुक्रबारका लागि विभिन्न कृषिउपजको न्यूनतम थोक मूल्य सार्वजनिक गरेको छ ।
तरकारीतर्फ, गोलभेँडा ठूलो (नेपाली) प्रतिकिलो ३५ रुपैयाँ र सानो (लोकल) १० रुपैयाँ रहेको छ । आलु रातो (लाम्चो) ४० रुपैयाँ, आलु रातो (भारतीय) २८ रुपैयाँ र प्याज सुकेको (भारतीय) ५२ रुपैयाँ प्रतिकिलो तोकिएको छ ।
गाँजर (लोकल) ९० रुपैयाँ, बन्दा (लोकल) ३५ रुपैयाँ, काउली स्थानीय ३० रुपैयाँ, मूला रातो ३० रुपैयाँ, भन्टा लाम्चो १० रुपैयाँ र भन्टा डल्लो २५ रुपैयाँ प्रतिकिलो कायम गरिएको छ ।
मटरकोशा प्रतिकिलो १२० रुपैयाँ, घिउ सिमी (लोकल) ३० रुपैयाँ, घिउ सिमी (हाइब्रिड) ३० रुपैयाँ, घिउ सिमी (राजमा) ७० रुपैयाँ, तीते करेला २० रुपैयाँ, लौका २५ रुपैयाँ, परवर (लोकल) ३० रुपैयाँ र घिरौला ३० रुपैयाँ प्रतिकिलो निर्धारण गरिएको छ ।
फर्सी पाकेको ५० रुपैयाँ, फर्सी हरियो (लाम्चो) ४० रुपैयाँ, हरियो फर्सी (डल्लो) १५ रुपैयाँ, भिण्डी २० रुपैयाँ, सखरखण्ड १०० रुपैयाँ, पिंडालु ९० रुपैयाँ र स्कुस ३५ रुपैयाँ प्रतिकिलो तोकिएको छ ।
सागपातमा रायोसाग ३० रुपैयाँ, पालुङ्गो ५० रुपैयाँ र चमसुरको साग ५० रुपैयाँ प्रतिकिलो छ । च्याउतर्फ कन्य च्याउ २४० रुपैयाँ, डल्ले च्याउ ४०० रुपैयाँ, राजा च्याउ २८० रुपैयाँ र सिताके च्याउ ८०० रुपैयाँ प्रतिकिलो रहेको छ । कुरीलो २५० रुपैयाँ र न्युरो ९० रुपैयाँ प्रतिकिलो निर्धारण गरिएको छ ।
फलफूलतर्फ स्याउ (फूजी) २८० रुपैयाँ, केरा नेपाली २०० रुपैयाँ प्रतिकिलो र केरा (मालभोग) दर्जन १८० रुपैयाँ रहेको छ । कागती १४० रुपैयाँ, अनार ४५० रुपैयाँ, आँप (मालदह) १५० रुपैयाँ, आँप (दसहरी) १६० रुपैयाँ प्रतिकिलो तोकिएको छ । भुइँकटहर प्रतिगोटा १८० रुपैयाँ, काँक्रो (लोकल) ६० रुपैयाँ, काँक्रो (हाइब्रिड) १५ रुपैयाँ, रुखकटहर ४० रुपैयाँ, मेवा (नेपाली) ८० रुपैयाँ, मेवा (भारतीय) १०० रुपैयाँ, लीच्ची (लोकल) २५० रुपैयाँ र लीच्ची (भारतीय) ३०० रुपैयाँ प्रतिकिलो निर्धारण गरिएको छ ।
