सुनको मूल्यमा गिरावट: प्रतितोला १४ सय रुपैयाँले सस्तियो

काठमाडौं। नेपाली बजारमा मंगलबार सुनको मूल्यमा उल्लेखनीय गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १४ सय रुपैयाँले घटेर २ लाख ८८ हजार रुपैयाँमा कारोबार भएको छ। सोमबार यही सुन प्रतितोला २ लाख ८९ हजार ४ सय रुपैयाँमा बिकेको थियो। सुनसँगै चाँदीको मूल्य पनि घटेको छ। मंगलबार चाँदी प्रतितोला ४ हजार ५५५ रुपैयाँमा कारोबार भएको महासंघले जनाएको छ।