काठमाडौं । नेपाली बजारमा आज मंगलबार सुन र चाँदी दुवैको मूल्य घटेको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ४ हजार ५ सय रुपैयाँले घटेको छ। यससँगै आज सुन २ लाख ७७ हजार ९०० रुपैयाँ प्रतितोलामा कारोबार भइरहेको छ। सोमबार यसको मूल्य २ लाख ८२ हजार ४०० रुपैयाँ थियो।
चाँदीको मूल्य पनि आज घटेको छ। आज चाँदी ४ हजार २८५ रुपैयाँमा कारोबार भइरहेको छ, जुन सोमबारको ४ हजार ३१० रुपैयाँको तुलनामा कम हो।
