काठमाडौं । डिभी लट्री २०२५ को नतिजा सार्वजनिक भएको छ । यूएस डिपार्टमेन्ट अफ स्टेट्स अन्तर्गतको ब्युरो अफ कन्सुलर अफेयर्सले शनिबार डाइभर्सिटी भिसा (डिभी) लट्री २०२५ को नतिजा सार्वजनिक गरेको हाे ।
डिभी लट्रीको नतिजा डिभी भर्दा प्राप्त कन्फर्मेसन नम्बरका आधारमा डिभी प्रोग्राम डट स्टेट डट जीओभी लग इन गरेर हेर्न सकिन्छ ।
नतिजा हेर्न अनलाइन आवेदन दिँदा प्राप्त कन्फर्मेशन नम्बरको प्रयोग अनिवार्य छ । डिभी विजेता भनेर कुनै इमेल नआउने तथा भिसा अन्तर्वार्ताका लागि अग्रिम शुल्क नमागिने अमेरिकी दूतावासले जनाएको छ ।
