जनक शिक्षा सामग्री केन्द्र लिमिटेडको आकस्मीक अनुगमन

समयमा नै पाठ्यपुस्तक उपलव्ध नभएको गुनासो आएपछि शिक्षा, विज्ञान तथा प्रविधिमन्त्री देवेन्द्र पौडेलले जनक शिक्षा सामग्री केन्द्र लिमिटेडको आकस्मीक अनुगमन गरेका छन् ।

आइतबार भक्तपुरको सानोथिमिस्थीत जनक शिक्षाको आकस्मीक अनुगमन गर्दै पुस्तक छपाईको बारेमा जानकारी लिनुभएको हो । जनक शिक्षाले यसअघि समयमा नै पाठ्यपुस्तक पुराउने भनेपनि सोचेजस्तो काम नभएको पाइएपछि शिक्षामन्त्री पौडेलले अनुगमन गरेका हुन् ।

अनुगमनका क्रममा मन्त्री पौडेलले पाठ्यपुस्तक छपाई दुई हप्ता ढिलो भएको जानकारी पाएको बताए । उनले १० दिनसम्ममा पुस्तक छापिने जनक शिक्षाले जानकारी गराएको बताएका छन् । अहिले २० लाख पुस्तक पुग्न बाँकी रहेकाले छिटै ढूवानी हुने उनले बताएका छन् । मन्त्री पौडेलले कागजहरु आएर पुस्तक छाप्ने काम तीव्र रुपमा भइरहेको सूचना पाएको जानकारी दिए ।

उनले सबै बिद्यार्थीको हातहातमा पुस्तक नपुगेसम्म निरन्तर अनुगमन गर्ने बताएका छन् ।

समाचार पढेर कस्तो लाग्यो?
+1
0
+1
0
+1
0
+1
0

Leave a Reply

Your email address will not be published.

Share This

Share This

Share this post with your friends!