काठमाडौँ । सौर्य एयरलाइन्सको जहाज दुर्घटनामा बाँचेका क्याप्टेन मनिष शाक्यको स्वास्थ्य अवस्था सुधार हुँदै गएको छ ।
काठमाडौं मेडिकल कलेजका निर्देशक प्राडा.मीना थापाले क्याप्टेन शाक्यको स्वास्थ्यमा निकै सुधार भएकाले डिष्चार्ज गर्ने तयारी भएको जानकारी दिएकी छिन् । उनले तत्कालै काममा फर्किन सक्ने अवस्था नरहेपछि स्वास्थ्य अवस्था सुधार भएकाले घरमै आराम गरेर उपचार जारी रहने बताइन् । शाक्यको ढाडमा देखिएको समस्या अप्रशेन गर्नुनपर्ने देखिएको नले बताइन् । उपचारका क्रममा क्याप्टेन शाक्यले जहाज माथि पुगेपछि नियन्त्रणमा लिन नसकेको मात्रै बताएको डा थापाले उल्लेख गरिन् ।
त्यस्तै क्याप्टेन शाक्यको स्वास्थ्य अवस्थाको जानकारी लिदै कांग्रेस उपसभापति पूर्ण बहादुर खड्काले चिकित्सकको मेहनतका कारण शाक्यको अवस्था सुधार हुदै गएको भन्दै चिकित्सकलाई धन्यवाद दिए ।
त्यस्तै अस्पतालका प्रमुख सुनील शर्माले समयमा नै उपचार सुरु गरेका कारण क्याप्टेन शाक्यले छिटै स्वास्थ्यलाभ गरेको बताए ।
