संसदको अवरोध हटाउने विषयमा छलफल

सारांश :

काठमाण्डौ । प्रतिनिधि सभाका सभामुख देवराज घिमिरेले संसदको अवरोध हटाउने विषयमा संसदीय समितिका सभापति र दलका प्रमुख सचेतहरुसँग छलफल गरेका छन् ।


राज्य व्यवस्था तथा सुशासन समितिका सभापति रामहरी खतिवडाले आज सिंहदरबारमा भएको छलफलमा संसद राकिएपछि जनप्रतिनिधिहरु निर्वाचित क्षेत्र गएका कारण संसदीय समितिहरु समेत सञ्चालन गर्न नसकेको बताएका छन् ।

उनले भने,‘आज सभामुखले संसदीय समिति र पार्टीका प्रमुख सचेतकहरुसँग छलफल गर्नुभएको छ । अहिले संसद रोकिएपछि माननीय ज्यू गाउँ जाने चलन रहेका कारण समितिले पनि प्रभावकारी काम गर्न नसकेको हो कि भन्ने लागिरहेको छ । समितिका सभापतिहरुले समितिलाई आवश्यक उपकरण र स्रोतको समस्या र समिति सदस्यहरु निर्वाचन क्षेत्र गएका कारण सक्रियतापूर्वक काम गर्न नसकिएको माननीय सभापतिहरुले सभापतिलाई भन्नुभयो ।’

खतिवडाले सरकारले अनाहकमा संसद स्थगन गर्दा संसदबाटै पारित गर्नुपर्ने र समितिहरुमा पठाउनुपर्ने कानूनमा काम गर्न नसकिएको बताएका छन् ।

संसदीय समितिहरु सञ्चालनका लागि सरकारले आवश्यक पूर्वाधार र स्रोतको व्यवस्थापनि गर्न नसकेको उनको भनाइ छ ।

समानुपातिक निर्वाचनबारे समेत सभामुखसँग छलफल भएको उल्लेख गर्दै खतिवडाले भने,‘एकचोटि समानुपाति प्रणालीबाट निर्वाचित सांसदहरुलाई अर्कोचोटि नल्याउनबारे कानून बनाउन पनि सभामुखसँग कुराकानी गरेका छौं । यसका लागि निर्वाचन आयोगसँग पनि छलफल गरेका छौँ ।’

समाचार पढेर कस्तो लाग्यो?
+1
0
+1
0
+1
0
+1
0
>
Share This

Share This

Share this post with your friends!