काठमाडौं । कांग्रेसका लागि सत्ता ठूलो नभएको नेपाली कांग्रेसका नेता प्रदिप पौडेलले बताएका छन् । कांग्रेस नेता नवीन्द्रराज जोशीको तेस्रो स्मृति दिवसका अवसरमा मंगलबार आयोजित कार्यक्रममा बोल्दै नेता पौडेलले सत्तामा जान कांग्रेसले हतार गर्न नहुने बताएका हुन् ।
कांग्रेसका लागि सत्ता ठूलो कुरा होइन, पर्खेरमा बसौं, नेपाली कांग्रेसलाई यो देशले आफै सत्तामा पु-याउँछ,’उनले भने,’ त्यसका लागि हतार नगरौं ।
उनले नयाँ गठबन्धन आफै सिद्धिने दावी गरेका छन् । उनले भने,’अहिले जुन गठबन्धन बनेको छ । यो चीरस्थायी हुँदैन । उहाँहरूले आ–आफूबीचमा झगडा गरेर यो गठबन्धन समाप्त गर्नुहुनेछ ।
मुलुकमा देखिएका समस्याहरूलाई समाधान गर्न सके मात्रै पार्टीलाई अगाडि बढाउन सकिने पौडेलले बताएका छन् । उनले नेपालको लोकतन्त्रिक आन्दोलनमाथि देखिएका खतराविरुद्ध लड्न नविन्द्रराज जोशीजस्तै अटल भएर लाग्नुपर्नेमा जोड दिएका छन् ।
