काठमाडौँ । सुनको मूल्यले आज फेरि नयाँ रेकर्ड बनाएको छ। नेपाली बजारमा मंगलबार सुनको मूल्यमा बृद्धि हुँदै नयाँ रेकर्ड कायम भएको थियाे । यसले आज पनि निरन्तरता पाएकाे छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य मंगलबारको तुलनामा तोलामा ८ सय रूपैयाँले बढेको हो । आज सुन तोलाको १ लाख ६६ हजार ७ सय रूपैयाँमा कारोबार भइरहेको छ ।
यस्तै, आज चाँदीको मूल्य पनि बढेर अहिलेसम्मकै उच्च बिन्दुमा पुगेकाे छ । मंगलबार चाँदी प्रतितोला २ हजार एक सय रूपैयाँमा कारोबार भएकोमा आज ३५ रुपैंयाँले बढेर २ हजार एक सय ३५ रूपैयाँमा काराेबार भइरहेकाे महासंघले जनाएको छ।
Author
-
विगत सात वर्षदेखि रेडियो र अनलाइन पत्रकारितामा संलग्न सुनिता आग्री नेपाल दैनिककी संवाददाता हुनुहुन्छ। उहाँले समसामयिक विषयमा विश्लेषण र राजनीतिक, मनोरञ्जन तथा अर्थका विषयहरुमा दखल राख्नुहुन्छ।
View all posts