पावरका भरमा कसैले पनि उन्मुक्ति पाउन हुँदैनः प्रकाशशरण महत

सारांश :

काठमाडौँ । नेपाली कांग्रेसका प्रवक्ता डा प्रकाशशरण महतले सहकारी प्रकरणमा संसदीय छानविन समिति गठनका बिषयमा सहमतिको प्रयास भइरहेको बताएका छन् । शुक्रबार संसद भवन नयाँ बानेश्वरमा सञ्चारकर्मीसंग कुरा गर्दै महतले छानविन समिति गठनका बिषयमा प्रधानमन्त्रीसंग निरन्तर छलफल भइरहेको भन्दै आइतबारसम्म एउटा सहमतिमा पुग्न सकिने बताएका हुन् ।

उनले गृहमन्त्री लगाएत अन्य समस्याग्रस्त सहकारीका बिषयमा अध्ययन गर्नेगरि समिति बनाउनुपर्ने धारणा राखे । रवि लामिछाने सहकारी प्रकरणमा संलग्न भएको स्पष्ट रहेको भन्दै उनले पावरका भरमा कसैले पनि उन्मुक्ति पाउन नहुने जिकिर गरे ।

प्रवक्ता महतले कांग्रेसले उठाएका बिषयमा गम्भीर नभएकै कारण लगातार सदन अवरु हुन पुगेकाले सरकारले अध्यादेशबाट बजेट ल्याउन खोजेको हो की भन्ने आशंका उत्पन्न हुनु स्वभाविक रहेको बताए ।

उनले बिपक्षी दलहरुको बैठकले पनि संसदीय छानविन समितिबाट पछि नहट्ने निर्णय गरेको जानकारी दिएका छन् ।

समाचार पढेर कस्तो लाग्यो?
+1
0
+1
0
+1
0
+1
0
>
Share This

Share This

Share this post with your friends!