काठमाडौँ ।पानी पिउनु स्वास्थ्यका लागि फाइदाजनक हुन्छ भन्ने कुरा हामी सबैलाई थाहा छ । तर पानी पिउने एउटा तरिका पनि छ, यदि तपाईं बिहान उठेर खाली पेटमा पानी पिउनुहुन्छ भने यसले तपाईंको स्वास्थ्यलाई धेरै फाइदा पु-याउँछ ।
बासी मुखमा पानी पिउनु स्वास्थ्यका लागि निकै फाइदाजनक हुन्छ । वास्तवमा, बिहान पानी पिउनाले तपाईंको शरीरलाई सक्रिय राख्छ किनभने दिनभर हाइड्रेसन रहन्छ। त्यसैले यसको कारण तपाईको छाला पनि चम्किलो हुन थाल्छ ।
बिहान बासी मुखमा पानी पिउँदा स्वास्थ्यलाई के फाइदा हुन्छ ? आज हामी तपाईलाई यसबारे जानकारी दिनेछौँ ।
सर्वप्रथम त यसले तौल नियन्त्रण ः यदि तपाई पनि आफ्नो बढ्दो तौलबाट हैरान हुनुहुन्छ र दिनानुदिन मोटाउदै हुँदै हुनुहुन्छ भने बिहान बासी पानी पिउनुहोस् । बिहान खाली पेटमा पानी पिउनाले दिउँसो कम भोक लाग्न सक्छ र धेरै खानबाट बचाउँछ, त्यसैले तौल घटाउन चाहनुहुन्छ भने बासी पानी पिउनुहोस्।
छाला सुधार्छः यदि तपाईको छाला धेरै रुखो, सुख्खा र नीरस छ भने, हरेक बिहान उठेर बासी पानी पिउन सुरु गर्नुहोस्। वास्तवमा बिहान खाली पेटमा पानी पिउँदा पेटबाट विषाक्त पदार्थ सजिलै बाहिर निस्कन्छ । यसो गर्दा छालाको मुँहासे र पिग्मेन्टेसन सम्बन्धी समस्या हटेर अनुहार चम्किलो हुन्छ ।
विषाक्त पदार्थ हटाउँछः यदि तपाइँ हरेक दिन बिहान उठेर बासी मुखको पानी पिउनुहुन्छ भने, यसले तपाइँको शरीरबाट विषाक्त पदार्थहरू बाहिर निकाल्न मद्दत गर्दछ र तपाइँको शरीर पनि डिटोक्स हुन्छ, जसको कारण तपाइँलाई पेट सम्बन्धी कुनै समस्या हुँदैन।
ग्यास – एसिडिटीमा फाइदाजनकः यदि तपाईलाई बारम्बार अपच, अमिलो डकार्ने, पेट दुख्ने समस्या छ भने तपाईले हरेक बिहान बासी मुखको पानी पिउनुपर्छ। यसबाट तपाईको पाचन प्रणाली पनि राम्रोसँग काम गर्छ ।
बिहान बासी मुखले कति गिलास पानी पिउनुपर्छ ? त ध्यान दिनुहोस्
बिहान उठेपछि एकदेखि दुई गिलास भन्दा बढी बासी पानी पिउनु हुँदैन । यो भन्दा बढी पिउनाले वाकवाकी लाग्ने र बान्ता हुन सक्छ। बिहान एक देखि दुई गिलास पानी पिउनाले पित्त नियन्त्रण गर्न मद्दत गर्छ र पाचन प्रक्रिया पनि सन्तुलित राख्छ।
