कीर्तिपुर-१ का वडाध्यक्ष हिरालाल महर्जनको निधन

सारांश :

काठमाडौं । कीर्तिपुर नगरपालिका वडा नं. १ का वडाध्यक्ष हिरालाल महर्जनको निधन भएको छ। क्यान्सरबाट पीडित महर्जनको बुधबार कीर्तिपुर-१ बाघ भैरवस्थित आफ्नै निवासमा निधन भएको हो ।

महर्जनलाई अस्पतालबाट बुधबार घर ल्याइएको थियो। कीर्तिपुर नगरपालिकाका प्रमुख राजकुमार नकर्मीले वडाध्यक्ष महर्जनको निधन भएको पुष्टि गरे। ६० वर्षीय महर्जन २०७९ को स्थानीय तह निर्वाचनमा नेपाली काँग्रेसका तर्फबाट कीर्तिपुर नगरपालिका वडा नं. १ को अध्यक्षमा निर्वाचित भएका थिए ।

वडाध्यक्ष महर्जनको निधनपछि कीर्तिपुरका २ वटा वडा अध्यक्ष विहीन भएका छन्। मोटरसाइकल दुर्घटनामा परी कीर्तिपुर नगरपालिका-४ का वडाध्यक्ष श्यामराजा अधिकारीको वैशाख १० गते निधन भएको भएको थियो ।

समाचार पढेर कस्तो लाग्यो?
+1
0
+1
0
+1
0
+1
0
>
Share This

Share This

Share this post with your friends!