हेटौँडा सिमेन्टको उत्पादन शुरु गर्न अझै एक हप्ता लाग्ने

सारांश :

मकवानपुर । करिब दुई हप्ताअघि हेटौँडा सिमेन्ट उद्योगका केही उपकरण बिग्रिएर मर्मत सम्भार गर्न उत्पादन कार्य बन्द गरिएपछी सिमेन्टको उत्पादन शुरु गर्न अझै एक हप्ताको लाग्ने भएको छ ।

सो उद्योगले अहिले रकम जुटाएर कोइला खरिद गर्न बोलपत्र आह्वान गरी थप कोइला ल्याउने कार्य भइरहेको उद्योगका महाप्रबन्धक वसन्तराज पाण्डेले जानकारी दिएका छन् ।

उनका अनुसार उद्योगमा अहिले एक हजार आठ सय मेट्रिकटन कोइला रहेको छ । कोइला पर्याप्त ल्याइसकेपछि आगामी वैशाखको पहिलो हप्ताबाट सिमेन्ट उत्पादन शुरु गर्ने तयारी भइरहेको पनि महाप्रबन्धक पाण्डेले बताएका छन् ।

हाल उक्त उद्योगलाई आवश्यक पर्ने कच्चापदार्थ चुनढुङ्गा धादिङका जोगीमारा, मकवानपुरको भैँसे खानीबाट दैनिक ढुवानी गरी ल्याइरहेको सो उद्योगका नायव महाप्रबन्धक नवीनकुमार कर्णले बताएका छन् ।

समाचार पढेर कस्तो लाग्यो?
+1
0
+1
0
+1
0
+1
0
>
Share This

Share This

Share this post with your friends!