काठमाडौँ । आज बुधबार पनि नेपाली बजारमा सुनको मूल्यमा वृद्धि भएको छ । आज सुनमा प्रतितोला ५ सयले बढेर १ लाख २३ हजार ५ सय रुपैयाँमा कारोबार भइरहेको छ । यो मूल्य अहिले सम्मकै उच्च हो ।
गत आइतबार एकै दिन प्रतितोला २ हजार रुपैयाँले बढ्दै छापावाला सुनको मूल्य १ लाख २१ हजार रुपैयाँ पुगेको थियो । दोस्रो दिन सोमबार सुनको मूल्य स्थिर भएकोमा तेस्रो दिन २ हजार रुपैयाँले बढ्दै १ लाख २३ हजार रुपैयाँ पुगेको थियो । बुधबार ५ सयले बढेर १ लाख २३ हजार ५ सय रुपैयाँमा कारोबार भइरहेको छ ।
यस्तै, तेजाबी सुनको मूल्य पनि आज तोलामा ५ सय रुपैयाँले नै बढ्दै १ लाख २२ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । चाँदीको मूल्य भने आज तोलामा ५ रुपैयाँले घट्दै १ हजार ४ सय ४० रुपैयाँ पुगेको छ ।
सम्बन्धित समाचारहरु:
समाचार पढेर कस्तो लाग्यो?
+1
+1
+1
+1
