शान्तिप्रक्रियाका काम पुरा गर्ने गरि अघि बढ्न सरकारको ध्यानाकर्षण

सारांश :

काठमाडौँ । राष्ट्रियसभा अन्तर्गतको सङ्घीयता सबलीकरण तथा राष्ट्रिय सरोकार समितिले संक्रमणकालीन न्यायसंग सम्बन्धीत कानूनलाई निष्कर्षमा पुराएर शान्तिप्रक्रियाका काम पुरा गर्ने गरि बढ्न सरकारको ध्यानाकर्षण गराएको छ ।

बिहीबार सिंहदरबारमा शान्ति प्रकृया, संक्रमणकालिन न्यायका सम्बन्धमा हालसम्म भएका कामकारवाहीका बिषयमा आयोगसंग छलफल गर्दै समितिले पिडितलाई न्याय हुने गरि बेपता पारिएका व्यक्तिको छानविन आयोग र सत्य निरुपण तथा मेलमिलापसम्बन्धी काम अघि बढाउन समेत ध्यानाकर्षण गराएको छ ।

बैठकमा बेपत्ता पारिएको व्यक्तिहरूको छानविन आयोगका सचिव लोकराज पराजुलीले आयोगमा उजुरी दिन आह्वान गरेको चार पटकको म्यादमा ३ हजार २ सय ८८ उजुरी परेको जानकारी दिए ।

जसमध्ये ७ सय ५३ उजुरी फछर्यौट भइसकेको उनले बताए । उनले पीडित मैत्री कानुन आवश्यक रहेकाले छिटो कानून बनाएर बेपत्ता पारिएकाहरूको अवस्था टुङ्गो लगाउने वातावरण बनाउनुपर्नेमा जोड दिए ।

त्यस्तै सत्य निरुपण ता मेलमिलाप आयोगका सचिव उदय राज सापकोटाले समयमा नै संक्रमणकालीन न्यायसंग सम्बन्धीत कानून टुङ्गो लाग्न नसकेका कारण पिडितहरुलाई न्याय दिन नसकिने बताए । कानून नभएका कारण पिडितहरुले पनि आयोगलाई सहयोग नगरेको उनले बताए ।

उनले एउटै जिल्लाबाट पाँचहजार भन्दा बढि उजुरी परेको जानकारी दिए । बैठकमा समिति सदस्यहरुले दलहरुबीच सहमति जुटाएर संक्रमणकालीन न्यायसंग सम्बन्धीत विधेयकलाई छिटोे भन्दा छिटो पारित गर्नुपर्ने धारणा राखेका थिए ।

समाचार पढेर कस्तो लाग्यो?
+1
0
+1
0
+1
0
+1
0
>
Share This

Share This

Share this post with your friends!