बागमतीमा सरकारी कामकाजको भाषा सम्बन्धमा बनेको ऐन वैशाख २४ देखि लागू हुने

सारांश :

काठमाडौँ । बागमती प्रदेशमा प्रदेश सरकारी कामकाजको भाषा सम्बन्धमा व्यवस्था गरेको ऐन आगामी बैशाख २४ गतेदेखि लागू हुने भएको छ ।

बागमती प्रदेश संस्कृति, पर्यटन तथा सहकारी मन्त्रालयले बुधबार ललितपुरमा पत्रकार सम्मेलन गर्दै बैशाख २४ काठमाडौंको बसन्तपुरबाट प्रधानमन्त्रीको उपस्थीतिमा बिशेष समारोह आयोजना गरि उक्त ऐन लागू भएको घोषणा गरिने जानकारी दिएको हो । भाषा दिवस मूल समारोह समितिका संयोजक एवं बागमती प्रदेशका संस्कृति, पर्यटन तथा सहकारी मन्त्री शैलेन्द्र मान बज्रचार्यले ऐन कार्यान्वयनलाई विशेष स्मरणीय बनाउनका लागि विशेष समारोहको आयोजना गर्न लागिएको जानकारी दिए । उनले भाषा विधेयक संघीयताको मेरुदण्ड भएको बताए ।

गत असोज २२ गते बागमती प्रदेशसभामा उक्त ऐन प्रस्तुत भएको थियो । संसदबाट सर्वसम्मत रुपमा पारित भएको उक्त ऐन कार्तिक २३ गते राजपत्रका प्रकाशित भएको थियो । राजपत्रमा प्रकाशित भएको १८० औं दिनमा विधेयक परिपक्व भइ कानूनी व्यवस्था रहेकाले सोहि व्यवस्था अनुरुप बैशाख २४ गते ऐन कार्यान्वयनमा जान लागेको मन्त्रालयले जनाएको छ ।

समाचार पढेर कस्तो लाग्यो?
+1
0
+1
0
+1
0
+1
0
>
Share This

Share This

Share this post with your friends!