काठमाडौँ । हेम बहादुर मल्ल सम्मान २०७९ डा भेष बहादुर थापालाई प्रदान गरिने भएको छ ।
नेपाल जन प्रशासन संघले सोमबार काठमाडौंमा पत्रकार सम्मेलन गर्दै पाँच दशकसम्म निरन्तर सार्वजनिक जीवनका आर्थिक, प्रशासनीक, प्राज्ञिक र कुटनीतिक क्षेत्रमा नेतृत्वदायी भूमिका निर्वाह गरेको भन्दै हेम बहादुर मल्ल सम्मान २०७९ डा थापालाई प्रदान गर्न लागिएको जानकारी दिएको हो ।
उक्त पुरस्कारको राशी दुइ लाख रुपैया रहेको छ । राज्यको उच्च ओहदामा रहि सार्वजनिक सेवा प्रवाह र व्यवस्थापनका क्षेत्रमा राष्ट्रको छवि उच्च राख्न सफल भएको, नेतृत्व क्षमता प्रदर्शन गरेका कारण थापालाई सम्मान गर्ने निर्णय गरिएको संघका अध्यक्ष मधुरमण आचार्यले जानकारी दिए ।
संघले ख्याती प्राप्त प्रशासक एवं व्यवस्थापक स्व. हेम बहादुर मल्लले साल्ट ट्रेडिङको नेतृत्वमा रही उत्कृष्ट योगदान पुर्याएवापत निजको सम्झनामा हेम बहादुर मल्ल सम्मान स्थापना गरेको हो ।
